Zokōntek ôd Pucha to dalsze przigody ôd Niedźwiodka Pucha i jego kamratōw. Ze ksiōnżeczki dowiecie sie, kogo idzie najś przi śniodaniu, kaj trefić hefalumpy i co Krziś robi rano.
Klasyka literatury do bajtli we szumnym przekładzie na ślōnski jynzyk.
— Puchu!
— Ja — pedzioł Puch.
— Jak jo… Jak… Puchu!
— Ja, Krzisiu?
— Jo już niy byda robić Nic.
— Już nigdy?
— Już niy tyla. Niy przizwolajōm.
Puch czekoł, aż Krziś jeszcze coś powiy, ale tyn milczoł.
— Ja, Krzisiu? — pedzioł Puch pōmocnie.
— Puchu, jak jo… No wiysz… Jak jo niy byda robić Nic, to przidziesz sam niykedy?
— Ino jo?
— Ja, Puchu.
— A ty tu tyż bydziesz?
— Ja, Puchu, byda, naprowda. Ôbiecuja, że byda, Puchu.
— To dobrze — pedzioł Puch.
— Puchu, ôbiecej mi, że mie nigdy niy zapōmnisz. Ani jak mi bydzie sto lot.
Puch chwila pōmedykowoł.
— A wiela mie wtynczos bydzie?
— Dziewiyńćdziesiōnt dziewiyńć.
Puch przikiwnōł.
— Ôbiecuja — pedzioł.
Ze ôczami durch we świecie Krziś wyciōng rynka i chyciōł Pucha za szłapka.
Kup ksiōnżka
Jeźli kupisz ksiōnżka bez jedyn ze tych linkōw, to do tumacza pōdzie mało prowizyjo.
