Skuli tego, że fest mōm rod swōj czas i psychiczne zdrowie, postanowiōł żech zlikwidować swoje kōnta na społecznościowych mediach. Wiyncyj ô tym żech pisoł we ôstatnim felijetōnie na Ślązagu. Bez to jeźli mocie durch moja strōna we swojim czytniku RSS, to po piyrsze chwoła Wōm za to, a po druge bydźcie radzi, bo ôd teroz byda nazod nowe informacyje i myśli publikować sam.
Przewiedzioł żech sie tyż, że ludzie niy wiedzōm ô mocy ślōnskich norzyńdzi, co ich mogōm używać za darmo, tōż ôstawiōm sam take info do tych, co sam sōm piyrszy roz:
Słowniki:
- SileSłownik (25340 hasoł),
- Słownik ôd Michała Przywary, polsko-ślōnski (8034 hasła),
- Słownik ôd Michała Przywary, ślōnsko-polski,
- „Dykcjōnorz” polsko-ślōnski (3268 hasoł).
Inksze jynzykowe norzyńdzia:
- Korpus Ślōnskij Mŏwy,
- Translatōr polsko ślōnski i ślōnsko-polski,
- Kōnwerter tekstu ze fol ślabikorza na uproszczōny,
- Kōnwerter tekstu ze alfabetu Steuera na ślabikorzowy.
Dalsze ciekawe place:
- Programy (ślōnski korektōr ôrtografije, tastatura itp. to sam),
- Bibliotyka Silling (coś jak Wolne Lektury ino mynij do czytanio),
- Szukocz (wyszukowarka jak Google, ale bez śledzynio i cołko po naszymu).
We nojbliższym czasie ôpublikuja tyż metropolitalny słownik ze poczōntku XX wieku i korektōr ôrtografije online, tōż żeby zaroz ô nich wiedzieć, zapiszcie sie na mōj newsletter abo zasubskrybujcie RSS. Pōmyślcie tyż nad spōmożyniym, żeby było z czego zapłacić za serwery i dojozd do bibliotyk po materyje.
